களுதாவளை பொது நூலக வாசகர் வட்டத்தின் தேசிய வாசிப்பு மாத நிகழ்வு மற்றும் பரிசளிப்பு விழா
மட்டக்களப்பு மாவட்டம் மண்முனை தென் எருவில் பற்று பிரதேச சபைக்குட்பட்ட களுதாவளை பொது நூலக வாசகர் வட்டத்தின் ஏற்பாட்டில் மறுமலர்ச்சிக்காக வாசிப்போம் எனும் தொனிப்பொருளில் தேசிய வாசிப்பு மாத நிகழ்வும் , பரிசளிப்பு விழாவும் நேற்று செவ்வாய்க்கிழமை களுதாவளை பொது நூலகத்தில் நடைபெற்றது.
இந் நிகழ்விற்கு பிரதம அதிதியாக தவிசாளர் மேகசுந்தரம் வினோராஜ் கலந்து கொண்டதுடன்,சிறப்பு அதிதிகளாக சன சமூக அபிவிருத்தி உத்தியோகத்தர் குகநேசன், மற்றும் பிரதேச சபை உறுப்பினர்கள் எனப்பலரும் கலந்து கொண்டனர்.
இதன் போது மாணவர்களின் பல்வேறு வகையான கலை நிகழ்ச்சிகள் மேடையை அலங்கரித்தன.
தேசிய வாசிப்பு மாதத்தை முன்னிட்டு பாடசாலை மாணவர்களுக்கு நடாத்தப்பட்ட விசேட போட்டி நிகழ்வுகளில் பங்கு பற்றிய மாணவர்களுக்கு பரிசில்களும் வழங்கப்பட்டது.
இதன் போது தவிசாளர், பிரதேச சபை உறுப்பினர்கள் மற்றும் அதிகாரிகள் கௌரவிக்கப்பட்டமை குறிப்பிடத்தக்கது.
இதன் போது களுதாவளை பொது நூலக வாசகர் வட்டத்தினால் சஞ்சிகை ஒன்றும் வெளியிடப்பட்டமை குறிப்பிடத்தக்கது.
