
எதிர்க்கட்சித் தலைவரை சந்தித்த பிரித்தானிய உயர்ஸ்தானிகர்..!
எதிர்க்கட்சித் தலைவர் சஜித் பிரேமதாஸ மற்றும் இலங்கைக்கான பிரித்தானிய உயர்ஸ்தானிகர் ஆண்ட்ரூ பற்றிக் ஆகியோர் இன்று செவ்வாய்க்கிழமை கொழும்பிலுள்ள எதிர்க்கட்சித் தலைவர் அலுவலகத்தில் சந்தித்துக் கலந்துரையாடினர்.
நாட்டில் காணப்பட்டு வரும் மனித – யானை மோதலைத் தடுப்பதற்கு எதிர்க்கட்சித் தலைவர் சஜித் பிரேமதாஸ, வேல்ஸ் இளவரசரின் ஆதரவைக் கோரி வேல்ஸ் இளவரசருக்கு அனுப்புவதற்காக எழுதிய கடிதத்தை இலங்கைக்கான பிரித்தானிய உயர்ஸ்தானிகரிடம் கையளித்தார்.
ஆசிய வகையில் மிகப்பெரிய எண்ணிக்கையிலான யானைகளின் ஓர் வாழ்விடமாகக் காணப்படும் இலங்கையில் சுதந்திரமாக சுற்றித் திரியும் யானைகளைப் பாதுகாப்பதற்கு வேல்ஸ் இளவரசரின் விலைமதிப்பற்ற ஆதரவைப் பெற்றுத் தருமாறு இந்தக் கடிதத்தின் மூலம் கோரிக்கை விடுத்தார்.
