இலங்கை பெட்ரோலியக் கூட்டுத்தாபனத்தின் முன்னாள் தலைவர் தம்மிக்க ரணதுங்க இன்று திங்கட்கிழமை இலஞ்சம் அல்லது ஊழல் குற்றச்சாட்டுகளை விசாரிக்கும் ஆணையத்தின் (CIABOC) அதிகாரிகளால் கைது செய்யப்பட்டார்.
2017–2018 காலகட்டத்தில் திட்டமிடப்பட்ட மூன்று நீண்டகால எரிபொருள் கொள்முதல் கேள்விப்பத்திரங்களை (டெண்டர்) ரத்து செய்தது தொடர்பான குற்றச்சாட்டுகள் தொடர்பாக இன்று காலை கைது செய்யப்பட்டதாக ஆணையகம் தெரிவித்துள்ளது.
இதன் விளைவாக இலங்கை பெட்ரோலியக் கூட்டுத்தாபனத்திற்கு கிட்டத்தட்ட ரூ. 800 மில்லியன் நிதி இழப்பு ஏற்பட்டதாகவும் கூறப்படுகிறது.
மேலதிக சட்ட நடவடிக்கைகளுக்காக ரணதுங்க கொழும்பு தலைமை நீதவான் நீதிமன்றத்தில் ஆஜர்படுத்தப்பட உள்ளார்.
