ஈரானிலுள்ள உலகின் மிகப்பெரிய இயற்கை எரிவாயு வயலில் உள்ள தளம் ஒன்று தாக்கப்பட்டதாக வெளியான தகவல்களைத் தொடர்ந்து, சர்வதேச சந்தையில் மசகு எண்ணெய் மற்றும் எரிவாயு விலைகள் பாரிய அளவில் அதிகரித்துள்ளன.
ஈரானிய ஊடகங்களின் இந்தச் செய்தியைத் தொடர்ந்து, பிரெண்ட் (Brent) ரக மசகு எண்ணெயின் விலை ஒரு பீப்பாய்க்கு 108 அமெரிக்க டொலர்களைக் கடந்து உயர்ந்துள்ளது.
இந்த விலை உயர்வானது நேற்று நிலவிய விலையுடன் ஒப்பிடுகையில் 5% அதிகரித்துள்ளதாக தெரிவிக்கப்பட்டுள்ளது.
சர்வதேச நேரப்படி (GMT) இன்று மதியம் 13:00 மணியளவில் ஒரு பீப்பாய் மசகு எண்ணெய் 108.60 அமெரிக்க டொலராகப் பதிவாகியுள்ளது.
எண்ணெய் விலையைத் தொடர்ந்து, பிரித்தானியாவின் எரிவாயு விலையும் (UK gas price) கணிசமான வளர்ச்சியைப் பதிவு செய்துள்ளது. இது சுமார் 6% அதிகரித்து, ஒரு தெர்ம் (Therm) எரிவாயுவின் விலை 139 பென்ஸாக (139p) உயர்ந்துள்ளது.
