நூருல் ஹுதா உமர்
சமூக சேவையாளரும் பொறியியலாளருமான உதுமான் கண்டு நாபீர் அவர்களின் வழிகாட்டலில் நாபீர் பவுண்டேசன் அனுசரணையுடன் சாய்ந்தமருது கிரிக்கெட் சங்கத்தினால் சாய்ந்தமருது பொதுவிளையாட்டு மைதானத்தில் நடாத்தப்படும் உதுமான் கண்டு ஞாபகார்த்த கிண்ணத்தின் முதல் அரையிறுதி ஆட்டத்தில் சாய்ந்தமருது பீமா விளையாட்டு கழகத்தை வீழ்த்தி சாய்ந்தமருது பிலைங் கோஸ் விளையாட்டு கழகம் இறுதி போட்டிக்கு தகுதி பெற்றது.
இரண்டாவது அரையிறுதி ஆட்டத்தில் சாய்ந்தமருது பைன் ஸ்டார் விளையாட்டு கழகத்தை வீழ்த்தி ஹொலி ஹீரோஸ் விளையாட்டு கழகம் இறுதி போட்டிக்கு தகுதி பெற்றது. சாய்ந்தமருது கிரிக்கெட் சங்கத்தினால் நடாத்தப்படும் இச்சுற்றுப் போட்டியின் இறுதி போட்டிக்கு போட்டியின் முழு அனுசரணையாளரும் சமூக சேவையாளருமான பொறியியலாளர் உதுமான் கண்டு நாபீர் பிரதம அதிதியாக கலந்து சிறப்பிக்கும் பிரமாண்டமான இறுதி போட்டி அடுத்த மாதத்தில் முற்பகுதியில் இடம்பெற உள்ளது குறிப்பிடத்தக்கது.
