உணவு ஒவ்வாமை காரணமாகச் சிறுவர் காப்பகம் ஒன்றிலிருந்த 9 சிறுமிகள் கண்டி தேசிய வைத்தியசாலையில் அனுமதிக்கப்பட்டுள்ளனர்.
குறித்த சிறுமிகள் இன்று காலை வைத்தியசாலைக்கு அழைத்துச் செல்லப்பட்டதாகத் தெரிவிக்கப்படுகிறது.
அவர்கள் கண்டி, தலாத்து து ஓயாவில் அமைந்துள்ள சிறுவர் காப்பகம் ஒன்றில் உள்ள 15 – 17 வயதுடைய சிறுமிகள் எனத் தெரிவிக்கப்படுகிறது.
வைத்தியசாலையில் அனுமதிக்கப்பட்டுள்ள சிறுமிகள் நேற்று புதன்கிழமை இரவு உணவுடன் மரவள்ளிக்கிழங்கு உட்கொண்டுள்ள நிலையில் திடீரென சுகயீனமுற்றுள்ளனர்.
சம்பவம் தொடர்பான மேலதிக விசாரணைகளைத் தலத்து ஓயா காவல்துறையினர் மேற்கொண்டு வருகின்றனர்.
