உடலில் உள்ள கொழுப்புக்களை கரைக்க உதவும் ஜூஸ்
உடலில் உள்ள கொழுப்புக்களை கரைக்க உதவும் ஜூஸ்
உடலில் உள்ள கொழுப்புக்களை கரைக்க உதவும் ஜூஸ்
🟥எடை இழப்பு என்று வரும் போது, அதற்கு பல்வேறு டயட்டுகளை நாம் முயற்சிப்போம். அப்படி மேற்கொள்ளும் டயட்டுகளில் நிச்சயம் ஜூஸ் இருக்கும். பலருக்கு அதிகம் சிரமப்படாமல் உடல் எடையைக் குறைக்க வேண்டுமென்ற ஓர் எண்ணம் இருக்கும். நீங்களும் அப்படி விரும்புபவராயின், குறிப்பிட்ட ஜூஸ்களை உங்களின் அன்றாட உணவில் சேர்த்துக் கொள்ளுங்கள். ஜூஸ்கள் சுவையானதாக இருப்பதோடு, இவற்றைத் தயாரிப்பதும் எளிது. அதுவும் நற்பதமான ஜூஸ்களை குடித்து வந்தால், அது உடல் எடையை வேகமாக குறைக்க உதவும்.
🟥உடலில் உள்ள கடினமான கொழுப்புக்களை வேகமாக கரைக்க உதவும் சில ஜூஸ்கள் கொடுக்கப்பட்டுள்ளன. அவற்றில் உங்களுக்கு பிடித்ததை தினமும் சேர்த்து வந்தாலே நல்ல மாற்றத்தைக் காணலாம். குறிப்பாக ஜூஸ்களை குடித்தால் மட்டும் உடல் எடை குறைந்துவிடாது. அத்துடன் தினமும் உடற்பயிற்சிகளை மேற்கொள்வதோடு, ஜங்க் உணவுகள் மற்றும் எண்ணெயில் பொரித்த உணவுகளைத் தவிர்த்து, ஆரோக்கியமான உணவுகளைத் தேர்ந்தெடுத்து உண்ண வேண்டும். அந்தவகையில் என்ன ஜூஸ்கள் என்பதை இக்கட்டுரையில் பார்க்கலாம்.
அன்னாசி ஜூஸ்
🎈தொப்பையைக் குறைக்க மிகச்சிறந்த வழி அன்னாசி ஜூஸைக் குடிப்பதாகும். ஏனெனில் அன்னாசியில் உள்ள புரோமெலைன் என்னும் நொதி, புரோட்டீனை வளர்சிதை மாற்றம் செய்வதற்கும், அதிகப்படியான வயிற்றுக் கொழுப்பைக் கரைப்பதற்கும் உதவுகிறது. மேலும் புரோமெலைன் கொழுப்புக்களை ஜீரணிக்க மற்றும் பசியைக் கட்டுப்படுத்த லிபேஸ் போன்ற பிற நொதிகளுடன் ஒத்துழைக்கிறது.
நெல்லிக்காய் ஜூஸ்
🎈நெல்லிக்காய் ஜூஸ் செரிமான மண்டலத்திற்கு மிகவும் நல்லது. மேலும் நெல்லிக்காய் உடலின் மெட்டபாலிசத்தையும் அதிகரிக்கும். அதுவும் இதை வெறும் வயிற்றில் உட்கொள்ளும் போது, அது உடல் எடையை வேகமாக குறைக்க பெரிதும் உதவி புரியும்.
கேரட் ஜூஸ்
🎈கேரட்டில் கலோரிகள் குறைவு மற்றும் நார்ச்சத்து அதிகமாக உள்ளது. ஒரு டம்ளர் கேரட் ஜூஸை குடித்தால், அது நீண்ட நேரம் பசி எடுக்காமல் வயிற்றை நிரப்பி வைத்திருக்கும். கேரட் ஜூஸ் பித்த நீரின் சுரப்பை அதிகரித்து, உடலில் தேங்கியுள்ள கொழுப்பை கரைக்க உதவி புரிந்து, எடை இழப்புக்கு உதவுகிறது. இன்னும் சிறப்பான பலன் கிடைக்க கேரட் ஜூஸ் தயாரிக்கும் போது, அத்துடன் ஆப்பிள், பாதி ஆரஞ்சு மற்றும் சிறிது இஞ்சி சேர்த்து அரைத்து வடிகட்டி குடியுங்கள். இது உடலில் உள்ள அனைத்து நச்சுக்களையும் வெளியேற்றும்.
வெள்ளரிக்காய் ஜூஸ்
🎈வெள்ளரிக்காயில் நீர்ச்சத்து மற்றும் நார்ச்சத்து அதிகமாகவும், கலோரிகள் குறைவாகவும் உள்ளது. இதனால் அதை உட்கொள்ளும் போது, நீண்ட நேரம் பசி எடுக்காமல் தடுத்து, தேவையில்லாத உணவுகளின் மீதான நாட்டத்தைக் குறைத்து, உடல் எடை குறைக்க உதவும்.
ஆரஞ்சு ஜூஸ்
பழங்களில் ஆரஞ்சு பழத்தில் கலோரிகள் அதிகமாக இல்லை. எனவே நீங்கள் உங்களின் உடல் எடையைக் குறைக்க நினைத்தால், ஆரஞ்சு பழத்தைக் கொண்டு ஜூஸ் தயாரித்து தினமும் குடித்து வாருங்கள்.
பாகற்காய் ஜூஸ்
🎈உடல் எடையைக் கட்டுப்பாட்டில் வைக்கவும், உடலில் உள்ள கொழுப்புக்களைக் கரைக்கவும் பாகற்காய் ஜூஸ் உதவும். பாகற்காயில் கலோரிகள் மிகவும் குறைவு மற்றும் இது பித்த அமிலங்களைச் சுரக்கிறது. சொல்லப்போனால் உடல் எடையைக் குறைப்பதற்கு பாகற்காய் ஜூஸை விட சிறந்தது எதுவும் இருக்காது. 100 கிராம் பாகற்காய் ஜூஸில் 17 கலோரிகள் தான் உள்ளது.
உடலில் உள்ள கொழுப்புக்களை கரைக்க உதவும் ஜூஸ்
மேலும் பல செய்திகளை அறிந்து கொள்ள மின்னல்24 இணையத்தளத்தை பார்வையிடவும்
