போதைப் பழக்கத்தால் உடல் மற்றும் மனரீதியாக பாதிக்கப்பட்ட இரண்டு தொழிலாளர்களை இலங்கைக்கு திருப்பி அனுப்ப இஸ்ரேலுக்கான இலங்கை தூதரகம் ஏற்பாடு செய்துள்ளதாக தெரிவிக்கப்பட்டுள்ளது
இலங்கை வெளிநாட்டு வேலைவாய்ப்பு பணியகம் இதனை குறிப்பிட்டுள்ளது.
குறித்த தொழிலாளர்களில் ஒருவர் இஸ்ரேலிய வேலைவாய்ப்பு திட்டத்தின் கீழ் பணியகத்தில் பதிவு செய்து, 2024ஆம் ஆண்டு வேலைக்குச் சென்றதாகவும், அவர் கடந்த 2 மாதங்களாக தனது பணியிடத்திற்குச் செல்லவில்லை என்றும் தெரிவிக்கப்பட்டுள்ளது.
இதன்படி ஜெருசலமில் இருந்து இலங்கையர்கள் குழுவினால் டெல் அவிவ்க்கு அழைத்து வரப்பட்டார் என்றும் பணியகம் தெரிவித்துள்ளது.
இதற்கமைய இஸ்ரேலில் உள்ள இலங்கை தூதரகம் அவரை இலங்கைக்கு திருப்பி அனுப்புவதற்கான ஏற்பாடுகளை மேற்கொண்டு வருகின்றன.
மற்றுமொரு நபர் கடந்த 07 ஆண்டுகளாக இஸ்ரேலில் பணிபுரிந்து வருபவராவார்.
அவர் நீண்ட காலமாக போதைப் பழக்கத்திற்கு அடிமையாகி, தனது பணியிடத்திற்குச் செல்லவில்லை என்றும் வெளிநாட்டு வேலைவாய்ப்பு பணியகம் தெரிவித்துள்ளது.
இந்தநிலையில் குறித்த இருவரும் நாளை (27) இலங்கைக்கு திருப்பி அனுப்பப்படவுள்ளதாக தெரிவிக்கப்பட்டுள்ளது.
