இலத்திரனியல் வர்த்தக செயற்பாடுகளுக்கு தற்காலிக சலுகையொன்றை வழங்குதல் மற்றும் பணிச்சட்டகத்துடன்,தொடர்புடைய நிறுவனங்களின் உத்தியோகத்தர்கள் அடங்கிய குழுவொன்றை நியமிப்பதற்கு அமைச்சரவை அனுமதி வழங்கியுள்ளதாக அமைச்சரவை பேச்சாளர் அமைச்சர் நளிந்த ஜயதிஸ்ஸ தெரிவித்துள்ளார்.
அரசாங்க தகவல் திணைக்களத்தில் இன்று இடம்பெற்ற அமைச்சரவை முடிவுகளை அறிவிக்கும் ஊடகவியலாளர் சந்திப்பின் போதே அவர் இதனை தெரிவித்துள்ளார்.
இலத்திரனியல் வர்த்தக செயற்பாடுகளுடாக இலங்கைக்கு மேற்கொள்ளப்படும் இறக்குமதிகளின் அளவு அதிகரித்துள்ளது.
இலத்திரனியல் வர்த்தக செயற்பாடுகளை மேம்படுத்துவதற்காக இலத்திரனியல் வர்த்தக செயற்பாடுகளிலிருந்து வரி வருமானம் சேகரித்தல் முறைமைப்படுத்தல் அரசாங்கத்தினால் முன்னெடுக்கப்பட வேண்டும்.
இலத்திரனியல் வர்த்தக மேடை ஊடாக மேற்கொள்ளப்படும் இறக்குமதிகள் தொடர்பில் பின்பற்றப்படும் சுங்க ஒப்புதலளித்தல் நடவடிக்கை முறைகளில் சில குறைபாடுகள் இனங்காணப்பட்டு, அண்மைக் காலத்தில் இலங்கை சுங்கம் தனது சுங்க ஒப்புதலளித்தல் நடவடிக்கை முறைகளைத் திருத்தம் செய்துள்ளது.
