2025 ஆம் ஆண்டில் இதுவரை இலங்கைக்கு வருகை தந்த சுற்றுலாப் பயணிகளின் எண்ணிக்கை இரண்டு மில்லியனைத் தாண்டியுள்ளது.
இங்கிலாந்தின் லண்டனில் இருந்து இலங்கை ஏர்லைன்ஸ் விமானம் UL-504 மூலம் பிற்பகல் 1:30 மணிக்கு பண்டாரநாயக்க சர்வதேச விமான நிலையத்தில் (BIA) தரையிறங்கிய இரண்டு பிரெஞ்சு நாட்டினரின் வருகையுடன் இந்த மைல்கல் எட்டப்பட்டது.
பிரான்சின் பாரிஸில் வசிக்கும் இந்த தம்பதியினர், இலங்கையில் இரண்டு வாரங்கள் , தங்கியிருந்து இலங்கையின் அழகை ரசிக்க உள்ளனர்.
இந்தத் தம்பதியினரை வரவேற்பதற்காக இலங்கை சுற்றுலா ஊக்குவிப்புப் பணியகத்தின் நிர்வாக மற்றும் மனிதவளப் பணிப்பாளர் அனூஷா தமயந்தி உள்ளிட்ட உயர் அதிகாரிகள் மற்றும் விமான நிலைய மற்றும் விமான சேவைகள் நிறுவனத்தின் உயர் அதிகாரிகள் குழுவொன்று விமான நிலையத்திற்கு வருகை தந்திருந்தமை குறிப்பிடத்தக்கது.
