இந்தியாவில் தொடர்ந்தும் வெடி குண்டு மிரட்டல் விடுக்கப்பட்டு வருவதாக தெரிவிக்கப்பட்டுள்ளது.
கடந்த சில மாதங்களாக அரசியல் கட்சித் தலைவர்கள், திரை பிரபலங்கள், பாடசாலைகள், விமானங்கள் மற்றும் விமான நிலையங்களுக்கு வெடிகுண்டு மிரட்டல் விடுக்கப்பட்டு வருகிறது.
இதனைத் தொடர்ந்து, இன்று செவ்வாய்க்கிழமை சென்னை டி.ஜி.பி அலுவலகத்திற்கு மின்னஞ்சல் மூலம் வெடிகுண்டு மிரட்டல் வந்துள்ளதாக தெரிவிக்கப்பட்டுள்ளது.
அத்துடன், சென்னையில் உள்ள திரிஷா, விஷால், இயக்குனர் மணிரத்னம் வீடுகளில் வெடிகுண்டு வைக்கப்பட்டுள்ளதாக அந்த மின்னஞ்சலில் குறிப்பிடப்பட்டிருந்தது.
அதன்பேரில், வெடிகுண்டு நிபுணர்கள் மோப்ப நாய்கள் உதவியுடன் சம்மந்தப்பட்ட இடங்களில் சோதனை நடத்தினர்.
இந்த நிலையில் இந்தியாவின் சில இடங்களுக்கு பாதுகாப்பு பலப்படுத்தப்பட்டுள்ளதுடன், மேலதிக விசாரணைகளும் முன்னெடுக்கட்டுள்ளதாக இந்திய ஊடகங்கள் தெரிவித்துள்ளன.
