பாகிஸ்தானை சேர்ந்த நடிகை ஹுமைரா அஸ்கர் அலி சடலமாக மீட்கப்பட்டுள்ள சம்பவம் திரையுலகினர் மத்தியில் அதிர்ச்சியை ஏற்படுத்தி இருக்கிறது.
பாகிஸ்தானை சேர்ந்த புகழ் பெற்ற நடிகை ஹுமைரா அஸ்கர் அலி ( வயது – 32) கராச்சியில் அடுக்குமாடி குடியிருப்பில் வசித்து வந்த நிலையில் வீட்டில் சடலமாக மீட்கப்பட்டுள்ளார்.
சமீபகாலமாக வாடகை செலுத்தாமல் இருந்து வந்தநிலையில், வீட்டின் உரிமையாளர் அங்கு சென்று பார்த்தபோது அவர் இறந்தநிலையில் கிடந்ததாக தெரிவிக்கப்பட்டுள்ளது. 2 வாரங்களுக்கு முன்பே அவர் இறந்திருக்கலாம் என்று பொலிஸார் தகவல் தெரிவித்துள்ளனர்.
அவரது உடல் தற்போது மருத்துவ பரிசோதனைக்காக கொண்டு செல்லப்பட்டுள்ளது. உடற்கூராய்வுக்கு பின் இறப்புக்கான காரணம் தெரியவரும் என்று பொலிஸார் தெரிவித்துள்ளனர்.
