ஜனாதிபதியின் பணிப்புரையின் பிரகாரம், கடந்த சில தினங்களாகப் பெறப்பட்ட தரவுகளின்படி, நாட்டில் போதியளவு நாட்டு அரிசி கையிருப்பில் இருப்பதாக விவசாய அமைச்சு தெரிவித்துள்ளது.
நாட்டில் அரிசி தட்டுப்பாடு என்பது ஒரு ஏமாற்று வேலை என அமைச்சு சுட்டிக் காட்டியுள்ளது.
அரிசி ஆலைகள் சந்தையில் அரிசியின் விலையை அவர்கள் விரும்பியவாறு தீர்மானிக்க அரசாங்கம் அனுமதிக்காது.
சந்தையில் கட்டுப்பாட்டு விலைக்கு அரிசி கிடைக்காமல் மக்கள் பாதிக்கப்பட்டுள்ள சூழலில், அரிசி இருப்பு குறித்த அறிக்கையைப் பெறும் நோக்கில் அரசு தலையிட்டு அனைத்து அரிசி ஆலை கிடங்குகளிலும் ஆய்வு மேற்கொண்டது.
இதன்படி கடந்த சில நாட்களாக பொலன்னறுவை உள்ளிட்ட பல பிரதேசங்களில் உள்ள அரிசி ஆலைகளைப் பரிசோதிக்க நுகர்வோர் அதிகாரசபை நடவடிக்கை எடுத்துள்ளதுடன், ஹம்பாந்தோட்டை பிரதேசத்திலுள்ள அரிசி ஆலை களஞ்சியசாலைகளும் சோதனையிடப்பட்டன.
இதன்படி, குறித்த ஆய்வுகளின் மூலம் பெறப்பட்ட இருப்பு அறிக்கைகள் இன்று ஜனாதிபதிக்கு அனுப்பி வைக்கப்படவுள்ளதாக, கொழும்பில் ஊடகங்களுக்குக் கருத்து தெரிவித்த விவசாய அமைச்சின் செயலாளர் எம்.பி.என்.எம் விக்ரமசிங்க தெரிவித்தார்.
எவ்வாறாயினும், இந்த அறிக்கைகளை வழங்குவது தொடர்பில் நுகர்வோர் அதிகார சபையிடம் எமது செய்திப் பிரிவு வினவியதுடன், அம்பாறை, அனுராதபுரம், பொலன்னறுவை மற்றும் ஹம்பாந்தோட்டை ஆகிய மாவட்டங்களிலிருந்து மொத்தமாக அறிக்கைகள் ஏற்கனவே கிடைத்து வருவதாக, நுகர்வோர் அலுவல்கள் அதிகார சபையின் தலைவர் ஹேமந்த சமரகோன் தெரிவித்தார்.
இதன்படி, இதுவரை கிடைத்துள்ள பங்கு அறிக்கைகள் மாத்திரம் ஜனாதிபதிக்கு அனுப்பி வைக்கப்படும் என எதிர்பார்க்கப்படுவதாக அவர் மேலும் தெரிவித்தார்.
