-மஸ்கெலியா நிருபர் –
ஹட்டன் – ஹைலன்ஸ் கல்லூரியின் பிரதி அதிபர் தேன்மொழி கனகராஜ் 37 வருட கல்விப்பணியிலிருந்து இன்றுடன் (செவ்வாய்க்கிழமை) ஓய்வு பெறுகின்றார்.
நாளைய தினம் தனது அறுபதாவது அகவையினை கொண்டாட விருக்கின்ற இவர் கல்விப்புலத்தில் ஆரம்பப்பிரிவு ஆசிரியராக 24 வருடங்களும் பிரதி அதிபராக 13 வருடங்களும் சிறந்த சேவையினை ஆற்றியுள்ளார். 1988 ஆம் ஆண்டு ஆசிரியராக நியமனம் பெற்ற இவர்.
இவர் 1965 .11.05 பொகவந்தலாவையில் பிறந்தவர். சண்முகம், லோகம்பாள் தம்பதியரின் மூத்த புதல்வி பொகவந்தலாவ சென்மேரிஸ் கல்லூரியில் தரம் 01- 13 வரை கல்வி பயின்றவர்.
இவர் தனது ஆரம்பக்கல்வி ஆசிரியராக நியமனம் பெற்ற காலம் – 1988
ஆரம்பக்கல்வி ஆசிரியராக பயிற்சியை பெற்றுக் கொண்டது கொட்டகலை யதன்சைட் ஆசிரிய பயிற்சிக் கலாசாலை யில் ஆகும்.
ஆரம்பக்கல்வி ஆசிரியராக இவரது கல்வி பணிகள்.
1) சென்மேரிஸ் கல்லூரி- பொகவந்தலாவ
2) கிலானி த.வி, பொகவந்தலாவ
3)ஹொலிரோசரி TMV பொகவந்தலாவ
4) ஹைலன்ஸ் கல்லூரி – ஹட்டன்.
போட்டிப் பரீட்சை ஊடாக 2012 ஆம் ஆண்டு அதிபர் சேவை தரம் – 11க்குள் உள்வாங்கப் பட்ட இவர், ஹைலன்ஸ் கல்லூரியினுடைய பிரதி அதிபராக 13 வருடங்கள் சிறந்த சேவையினை வழங்கி உள்ளார்.
அதிபர் சேவை தரம் – 1 லிருந்து ஓய்வு பெறும் இவருடைய நிர்வாகப் பணியானது குறிப்பாக தரம் 06 – 09 மாணவர்களுடைய கல்வி வளர்ச்சி, ஒழுக்க மேம்பாடு,ஆளுமை விருத்தி என்பவற்றிலே பெரும் பங்களிப்பை வழங்கியுள்ளது.
இவரது கல்விசார் பணிகளில் குறிப்பிட்டுச் சொல்லக் கூடிய சில.
2002 ஆம் ஆண்டு தரம் 05 புலமைப் பரிசில் பரீட்சையிலே பொகவந்தலாவ சென்மேரிஸ் கல்லூரியிலே 12 பேரை சித்திபெறச் செய்தமை.
2012 ஆம் ஆண்டு தரம் 05 புலமைப் பரிசில் பரீட்சையிலே ஹட்டன் ஹைலன்ஸ் கல்லூரிக்கு மாவட்ட மட்டத்தில் முதலிடத்தை பெற்றுக்கொடுக்க காரண கர்த்தாவாக இருந்தமை.
ஹைலைன்ஸ் கல்லூரியினுடைய விளையாட்டுச்சீருடை வடிவமைப்பதற்கான ஆலோசனையை முன்வைத்து அதை நிறை வேற்றியமை.
ஓய்வு பெறும் பிரதி அதிபர் தேன்மொழி கனகராஜ் அவர்களைப் பற்றி சென்மேரிஸ் கல்லூரியின் முன்னைநாள் அதிபர்களில் ஒருவரான மதிப்பிற்குரிய N. பாலசுந்தரம் சேர் இவ்வாறு குறிப்பிடுகிறார்.
தேன்மொழி
சென் மேரிஸ் கல்லூரியில் மாணவியாக இருந்த காலத்தில் நேர்மை மிக்க துடிப்பான மாணவி. தனக்கு சரி என நினைக்கும் விடயங்களை யாரிடமும் துணிவுடன் வெளிப்படுத்தும் சாதகமான பண்பைக் கொண்டவர். இது எனது மனதில் ஆழமாகப் பதிந்துள்ளது.
அதே கல்லூரியில் ஆசிரியராக இருந்தபோது. சமூக நோக்குடன் மிகச் சிறந்து விளங்கியதோடு தனக்கு உயர்நிலை செல்ல வாய்ப்பு கிடைத்தபோது கல்லூரியின் அபிவிருத்தியை பாதிக்காமல் முடிவெடுக்க அதிபராகத் என்னிடம் மனம் திறந்து கலந்துரையாடி ஆலோசனைப் பெற்றமை சிறப்பம்சமாக பதிந்துள்ளது.
