அமுல் படுத்தப்படவுள்ள மின்சாரக் கட்டணக் குறைப்பு – 0 முதல் 30 அலகு பாவித்தால் கட்டணம் 26.9 வீதத்தால் குறைக்கப்படும்.
இலங்கை மின்சார சபையினால் ஜூலை 1ஆம் திகதி முதல் நடைமுறைப்படுத்த உத்தேசிக்கப்பட்டுள்ள மின்சாரக் கட்டணக் குறைப்பில் 0 முதல் 30 அலகு வகைக்கான கட்டணம் 26.9 வீதத்தால் குறைக்கப்படும் என பொதுப் பயன்பாடுகள் ஆணைக்குழு தெரிவித்துள்ளது.
31 முதல் 60 அலகு வரையிலான மின் கட்டணம் 10.8 சதவீதமும், 61 முதல் 90 அலகு பிரிவினரின் மின் கட்டணம் 7.2 சதவீதமும், 91 முதல் 180 அலகு பிரிவினரின் மின் கட்டணம் 3.4 சதவீதமும் குறைக்கப்படும் என்று ஆணையம் தெரிவித்துள்ளது.
180க்கும் மேற்பட்ட மின் அலகுகளின் கட்டணம் 1.3 சதவீதத்தால் குறைக்கப்படும் என்று கூறிய பொதுப் பயன்பாட்டு ஆணைக்குழு, மத ஸ்தலங்கள் மற்றும் அறநிலைய நிறுவனங்களின் மின்சாரக் கட்டணம் 3.2 சதவீதத்தால் மட்டுமே குறைக்கப்படும் என்றும் குறிப்பிட்டுள்ளது.
ஹோட்டல் தொழில்துறையின் மின்சாரக் கட்டணம் 12.6 வீதத்தால் குறைக்கப்படும் என ஆணைக்குழு தெரிவித்துள்ளது, எனினும் கைத்தொழில், பொது பிரிவினர், தெருவிளக்குகள் மற்றும் அரச நிறுவனங்களின் கட்டணத்தில் மாற்றம் இல்லை எனவும் தெரிவிக்கப்படுகின்றது.
மேலும் பல செய்திகளை அறிந்து கொள்ள மின்னல்24 இணையத்தளத்தை பார்வையிடவும்
