யாழ் நிருபர்
நீண்ட காலமாக ஹெரோயின் விற்பனையில் ஈடுபட்ட 22 வயதுடைய சந்தேகநபர் ஒருவர் இன்று வெள்ளிக்கிழமை யாழ்ப்பாணம் – குருநகர் பகுதியில் வைத்து கைது செய்யப்பட்டார்.
குறித்த சந்தேகநபரிடம் இருந்து 2 கிராம் 300 மில்லிகிராம் ஹெரோயின் பறிமுதல் செய்யப்பட்டுள்ளதாக பொலிஸார் தெரிவித்துள்ளனர்.
யாழ் பொலிஸ் புலனாய்வு பிரிவினருக்கு கிடைத்த இரகசிய தகவலின் அடிப்படையில், குருநகர் பொலிஸ் பொலிஸ் காவலரணில் கடமையில் இருந்த பொலிசாரால் இந்த கைது நடவடிக்கை முன்னெடுக்கப்பட்டது.
விசாரணைகளின் பின்னர் குறித்த சந்தேகநபர் நீதிமன்றத்தில் முன்னிலைப்படுத்துவதற்கான நடவடிக்கைகளை யாழ் பொலிஸார் மேற்கொண்டு வருகின்றனர்.
