வெளிப்படைத்தன்மை இல்லாமல் மேற்கொள்ளப்படும் முறைசாரா மின் சீர்திருத்த செயல்முறை குறித்து இலங்கை மின்சார சபை பொறியியலாளர் சங்கம் ஒரு அறிக்கையை வெளியிட்டுள்ளது.
அந்த அறிக்கையில்,
இலங்கை மின்சார சபை பொறியியலாளர் சங்கம் நாட்டின் மின்சார விநியோகத்தை பாதுகாப்பதற்காக எப்போதும் போராடி வருகின்றது.
சமீபத்தில் எரிபொருள் விலை உயர்வுகள், மின்சார கட்டண திருத்தங்கள், மேலும் அரசாங்கம் எடுக்க வேண்டிய தீர்மானங்கள் தொடர்பாக எங்கள் சங்கம் பலமுறை எச்சரித்திருந்த போதிலும், அவை புறக்கணிக்கப்பட்டதால், மக்கள் கடுமையாக பாதிக்கப்பட்டுள்ளனர்.
நாடு முழுவதும் நிலவும் மின்சார நெருக்கடியை தீர்க்க தேவையான நடவடிக்கைகள் தாமதமாக எடுக்கப்பட்டதால், பொதுமக்களுக்கு தேவையற்ற சுமைகள் ஏற்பட்டுள்ளன.
குறிப்பாக மின்சார உற்பத்திக்குத் தேவையான எரிபொருள், நீர் மற்றும் நிதி மேலாண்மை தொடர்பாக எடுக்க வேண்டிய முடிவுகளை பொறுப்பான அதிகாரிகள் எடுக்க தவறிவிட்டனர்.
அத்துடன், மின்சார துறையில் அரசியல் தலையீட்டை நிறுத்த வேண்டும் என்றும் அந்த அறிக்கையில் குறிப்பிடப்பட்டுள்ளது.
