திருமணத்திற்கு பின்னும் தங்களுடன் கிரிக்கெட் விளையாட அனுமதி அளிக்க வேண்டும், என மணமகனின் நண்பர்கள் மணமகளிடம் ஒப்பந்தம் போட்டு திருமணம் செய்து வைத்த சம்பவம் ஒன்று இந்தியாவில் இடம்பெற்றுள்ளது.
தமிழ்நாட்டில் உள்ள உசிலம்பட்டியில் இந்த சுவாரஸ்யமான சம்பவம் இடம்பெற்றுள்ளதாக இந்தியச் செய்திகள் தெரிவிக்கின்றன.
திருமணத்திற்கு பின் நண்பர்களுடன் நேரம் செலவு செய்ய முடியவில்லை என ஆண்கள் பலர் புலம்புவதை தற்போது கேட்க முடிகிறது.
நண்பர்களுடன் செல்ல வேண்டாம் என மனைவி கட்டளையிடுவதாகவும் நொந்துகொள்வது வழக்கமாக இருக்கிறது.
இந்நிலையில், திருமணத்திற்கு பின்னும் தங்களுடன் கிரிக்கெட் விளையாட அனுமதி அளிக்க வேண்டும், என மணமகனின் நண்பர்கள் மணமகளிடம் ஒப்பந்தம் போட்டு கையெழுத்து வாங்கியுள்ளனர்.
இச் சம்பவம் அப்பகுதியில் நெகிழ்ச்சியை ஏற்படுத்தியுள்ளது.
