
தற்காலிகமாக மூடப்படும் கொழும்பு – கண்டி பிரதான வீதி
கொழும்பு – கண்டி பிரதான வீதி, கீழ் கடுங்கண்ணாவை பகுதியில் பாறைகள் சரிந்து விழும் அபாயம் காரணமாக, இன்று புதன்கிழமை இரவு 10.00 மணி முதல் (26) தற்காலிகமாக மூடப்படவுள்ளது.
அனர்த்த முகாமைத்துவ நிலையம் இதனை அறிவித்துள்ளது.
மோட்டார் வாகன சாரதிகளுக்கும், பாதசாரிகளுக்கும் பெரும் அச்சுறுத்தலை ஏற்படுத்தும் வகையில் அப்பகுதியில் பாறைகள் விழும் சாத்தியக்கூறுகள் கண்டறியப்பட்டுள்ளதால் இந்த முடிவு எடுக்கப்பட்டுள்ளது.
