சூதாட்ட ஒழுங்குபடுத்தல் அதிகார சபையை நிறுவுவதற்கான சட்டமூலத்திற்கு அரச நிதி தொடர்பான தெரிவுக்குழுவின் அனுமதி கிடைக்கப்பெற்றுள்ளது.
பாராளுமன்ற உறுப்பினர் ரவூப் ஹக்கீம் தலைமையில் அரசாங்க நிதி பற்றிய குழு பாராளுமன்றத்தில் இன்று வியாழக்கிழமை கூடியபோதே இந்த அனுமதி கிடைக்கப்பெற்றது.
இலங்கையில் பந்தயம் கட்டுதல் மற்றும் சூதாட்ட நிறுவனங்களை தரப்படுத்துதல், சமூக தீங்குகளை குறைத்தல், சுற்றுலாத் துறையை மேம்படுத்துதல் மற்றும் பொருளாதார வளர்ச்சியை ஊக்குவித்தல் என்பவற்றுக்கான பரந்த நோக்கத்துடன் கூடிய ஒரு சுயாதீன ஒழுங்குமுறை அமைப்பாக சூதாட்ட ஒழுங்குமுறை அதிகார சபையை நிறுவுவதற்கு குறித்த சட்டமூலத்தினூடாக வாய்ப்பு வழங்கப்பட்டுள்ளது.
