ஒன்லைன் மூலம் 45,000 ரூபாய் பெறுமதியான பொருட்களை கொள்வனவு செய்து உரிய பணத்தை வழங்காமல் தலைமறைவான இளைஞனை சம்மாந்துறை பொலிஸார் கைது செய்துள்ளனர்.
அம்பாறை சம்மாந்துறை பொலிஸ் பிரிவுக்கு உட்பட்ட புறநகர் பகுதியில் ஒன்லைன் மூலம் கொள்வனவு செய்து பொருளை பெற்றுக் கொண்டு அதற்குரிய பணம் வழங்காது இளைஞன் தலைமறைவான சம்பவம் தொடர்பில் கடந்த புதன்கிழமை (20) முறைப்பாடு வழங்கப்பட்டிருந்தது.
இதற்கமைய சம்மாந்துறை பொலிஸ் நிலைய பொறுப்பதிகாரி கே.டி.எஸ் ஜெயலத்தின் வழிகாட்டலில் செயற்பட்ட பல்வேறு முறைப்பாட்டு பிரிவு பொறுப்பதிகாரி எம்.எச்.எம்.ஹசீப் தலைமையிலான பொலிஸார் விசாரணைகளை மேற்கொண்டு சம்மாந்துறை 01 பகுதியைச் சேர்ந்த 20 வயதுடைய இளைஞனைக் கைது செய்தனர்.
இதன்போது கைதான இளைஞனிடமிருந்து ஒன்லைன் மூலம் கொள்வனவு செய்யப்பட்ட பொருட்கள் கைப்பற்றப்பட்டன.
