எல்ல பேருந்து விபத்து குறித்த முழு அறிக்கை போக்குவரத்து அமைச்சரிடம் சமர்ப்பிப்பு

சமீபத்தில் 16 பேரின் உயிரைப் பறித்த எல்ல – வெள்ளவாய பேருந்து விபத்து தொடர்பிலான முழுமையான அறிக்கை போக்குவரத்து அமைச்சர் பிமல் ரத்நாயக்கவிடம் இன்று திங்கட்கிழமை  ஒப்படைக்கப்பட்டுள்ளது.

இதன்படி , விபத்து இடம்பெற்ற வீதியில் நிறுவப்பட்ட வீதி சமிக்ஞைகள் மற்றும் பிற எச்சரிக்கை பலகைகள், அறிமுகமில்லாத சாரதிக்கு வீதியின் ஆபத்தான தன்மையைப் புரிந்துகொள்ள போதுமானதாக இல்லை என்று அறிக்கை கூறுகிறது.

தங்காலை நகரசபை ஊழியர்கள் மற்றும் அவர்களது குடும்ப உறுப்பினர்கள் சுற்றுலா சென்ற குறித்த பேருந்து, கடந்த 4 ஆம் திகதி இரவு எல்ல- வெல்லவாய வீதியில் 24ஆவது மைல்கல் பகுதியில் பள்ளத்தாக்கில் வீழ்ந்து விபத்துக்குள்ளானது.

குறித்த விபத்தில் 16 பேர் உயிரிழந்ததுடன், மேலும் பலர் காயமடைந்திருந்தமை குறிப்பிடத்தக்கது.