நவம்பர் 05ம் திகதியான இன்று ஐப்பசி பெளர்ணமி வருகிறது.
ஐப்பசி மாத பெளர்ணமி என்பது மிகவும் மகத்துவமான புனிதமான நாளாக கருதப்படுகிது. இந்த நாளில் தான் சிவ பெருமானுக்கு அன்னத்தால் அபிஷேகம் செய்வார்கள். சிவ பெருமானுக்கு தினமும் பலவிதமான பொருட்களால் அபிஷேகம் செய்தாலும் வருடத்திற்கு ஒருமுறை ஐப்பசி பெளர்ணமி நாளில் செய்யப்படும் அன்னாபிஷேகமே அனைத்து அபிஷேகங்களிலும் உயர்வான அபிஷேகமாக கருதப்படுகிறது.
அன்னாபிஷேகத்தை தரிசித்தாலும் சிவனுக்கு அபிஷேகம் செய்த அன்னம் பிரசாதமாக கிடைத்தாலும் அன்னதோஷம் என்பது நீங்கி தலைமுறைக்கே அன்னதோஷம் ஏற்படாது.
ஐப்பசி பெளர்ணமி அன்று சிவ பெருமானை மட்டுமின்றி சிவ பெருமானின் சிரசில் இருக்கும் பெரும் பாக்கியத்தை பெற்ற சந்திர பகவானையும் வழிபடுவதும் மிகவும் சிறப்புக்குரியதாகும். ஐப்பசி பெளர்ணமி நாளில் தான் சந்திர பகவான் தன்னுடைய 16 கலைகளுடன் முழு பிரகாசமாக காட்சி அளிப்பதாக ஐதீகம்.
அதனால் இந்த நாளில் சந்திரனை வழிபடுவதால் மனக்குழப்பங்கள் மனக்கவலை ஆகியவை நீங்கி, நிம்மதி, மகிழ்ச்சி ஆகியவை கிடைக்கும். சிவ பெருமான் ஐப்பசி பெளர்ணமி நாளில் தான் உலகில் உள்ள அனைத்து உயிர்களுக்கும் உணவளிப்பதாக ஐதீகம். அதனால் இது மிக முக்கியமான நாளாக கருதப்படுகிறது. நமக்கு இருக்கும் அன்ன தோஷம் முழுவதுமாக நீங்கஇ இந்த நாளில் சிவ பெருமானை மனதார வழிபடுவது சிறப்பு.
அதே போல் ஐப்பசி பெளர்ணமி அன்று சில சிவன் கோவில்களில் அன்ன பிரசாதத்துடன் சேர்த்து பாகற்காய் சேர்த்துக் பிரசாதமாக கொடுப்பார்கள். சிவனுக்கு படைத்த அன்னத்துடன் பாகற்காயையும் சாப்பிடுவதால் உடல் பலம் பெறும். ஆரோக்கியம் கிடைக்கும் என்பது நம்பிக்கை.
பல்வேறு சிறப்புகள் கொண்ட ஐப்பசி பெளர்ணமி நாளில் மறந்தும் கூட முக்கியமான மூன்று விஷயங்களை செய்து விடக் கூடாது. இதனால் சிவ பெருமான் மற்றும் அன்னபூரணியின் கோபத்திற்கும் சாபத்திற்கும் ஆளாகாமல் இருக்கலாம். அந்த மூன்று தவறுகள் என்ன என்பதை தெரிந்து கொண்ட அவற்றை தவிர்ப்பது சிறப்பு.
ஐப்பசி பெளர்ணமி அன்று தவிர்க்க வேண்டிய 3 விடயங்கள் :
1. ஐப்பசி பெளர்ணமி அன்று அரிசி, பால் மற்றும் பால் தொடர்பான பொருட்களை கடனாக கொடுக்கவோ, வாங்கவோ கூடாது. இதனால் மகாலட்சுமி மற்றும் அன்னபூரணியின் கோபத்திற்கு ஆளாக வேண்டி இருக்கும்.
2. ஐப்பசி பெளர்ணமி நாளில் உணவை உதாசீனப்படுத்துவதோ, பழிப்பதோ, வீணாக்குவதோ கூடாது. இது தீராத அன்னதோஷத்தையும், வறுமையையும் ஏற்படுத்தி விடும். அதோடு அன்னபூரணி மற்றும் சிவ பெருமானின் கோபத்திற்கு ஆளாக வேண்டி இருக்கும்.
3. ஐப்பசி பெளர்ணமி நாளில் மாலை நேரத்தில் வீட்டின் எந்த பகுதியையும் இருளாக வைத்திருக்கக் கூடாது. இது வீட்டில் அன்னலட்சுமி தங்காமல், தீய சக்திகள் மற்றும் வறுமை குடியேற காரணமாக அமைந்து விடும்.
