1700 ரூபாய் சம்பளத்தை உடனடியாக வழங்குமாறு கோரி போராட்டம்

-பதுளை நிருபர்-

தோட்ட தொழிலாளர்களின் 1700 ரூபாய் சம்பளத்தை தோட்ட கம்பெனிகள் உடனடியாக வழங்குமாறு கோரி பசறை எல்டப் கிகிரிவத்தை தோட்ட தொழிலாளர்கள் இன்று திங்கட்கிழமை அமைதி வழி போராட்டத்தில் ஈடுபட்டனர்.

இன்று காலை 9.30 மணியளவில் எல்டப் கிகிரிவத்தை தோட்ட காரியாலயத்திற்கு முன்பாக குறித்த அமைதி வழி போராட்டம் இடம்பெற்றது.

அரசாங்கத்தினால் வெளியிடப்பட்ட வர்த்தமானிக்கு அமைய தங்களுக்கு உடனடியாக 1700 ரூபாய் சம்பளத்தை வழங்குமாறு அமைதி வழி போராட்டத்தில் ஈடுபட்ட தோட்ட தொழிலாளர்கள் வேணடு்கோள் விடுத்தனர்.

இவ் அமைதி வழி போராட்டம் இலங்கை தொழிலாளர் காங்கிரஸின் உபதலைவர் அசோக் குமார் தலைமையில் இடம்பெற்றதோடு, இலங்கை தொழிலாளர் காங்கிரஸின் மாநில இயக்குனர் கனகராஜ் மற்றும் இலங்கை தொழிலாளர் காங்கிரஸ் காரியாலய உத்தியோகத்தர்களும் அவ்விடத்துக்கு வருகை தந்ததோடு தோட்ட உயர் அதிகாரியுடன் பேச்சு வார்த்தையிலும் ஈடுபட்டனர்.

மேலும் பல செய்திகளை அறிந்து கொள்ள மின்னல்24 இணையத்தளத்தை பார்வையிடவும்