பொலன்னறுவை – பராக்கிரம சமுத்திரத்தில் படகு கவிழ்ந்ததில் 63 வயது தந்தை மற்றும் அவரது 38 வயது மகன் ஆகியோர் உயிரிழந்துள்ளனர்.
இந்தச் சம்பவத்தில் 11 பேர் பாதுகாப்பாக மீட்கப்பட்டுள்ளதாகப் பொலிஸார் தெரிவித்துள்ளனர்.
இன்று திங்கட்கிழமை இந்தப் படகு விபத்து நேர்ந்துள்ளது.
படகிலிருந்து மீட்கப்பட்டவர்கள் அருகிலுள்ள மருத்துவமனையில் சிகிச்சைக்காக அனுமதிக்கப்பட்டுள்ளனர்.
உயிரிழந்த இருவரின் உடல்களும் பிரேதப் பரிசோதனைக்காக அனுப்பப்பட்டுள்ளன.
படகு கவிழ்ந்ததற்கான சரியான காரணம் குறித்து பொலன்னறுவை பொலிஸார் மேலதிக விசாரணைகளை மேற்கொண்டு வருகின்றனர்.
