கடந்த இரு தினங்களாக பெய்து வரும் அடை மழை காரணமாக மழை நீர் வழிதோட முடியாது தடைபட்டுள்ள வடிகான்களை சுத்தம் செய்யும் நடவடிக்கைகளை நிந்தவூர் பிரதேச சபை முன்னெடுத்துள்ளது.
நிந்தவூர் பிரதேச சபையின் பதில் தவிசாளர் எம் ஐ இர்பான் ஆலோசனைக்கு அமைய நிந்தவூர் பிரதேச சபைக்குட்பட்ட தியேட்டர் வீதி மற்றும் இமாம் றூமி வீதியின் வடிகாலமைப்பில் உள்ள தடைகளை நீக்கும் நடவடிக்கைகள் நேற்று செவ்வாய்க்கிழமை இடம்பெற்றது.
இதில் பிரதேச சபை உறுப்பினர்களான ஏ இப்திகார் அஹமட், ஜுசைல் ஜெசூலி, பிரதேச சபையின் செயலாளர் எஸ் ஷிஹாப்தீன் உட்பட ஊழியர்கள் அனைவரும் கலந்து கொண்டு இவ்வணியில் ஈடுபட்டவை குறிப்பிடத்தக்கதாகும்.
