ஐயப்ப பக்தர்களின் யாத்திரை புனித யாத்திரையாக பிரகடனம் – அமைச்சர் வெளியிட்ட கருத்து
ஐயப்ப பக்தர்களின் யாத்திரையை புனித யாத்திரையாக பிரகடனப்படுத்துவதாக பெருந்தோட்ட மற்றும் சமூக உட்கட்டமைப்பு வசதிகள் பிரதி அமைச்சர் சுந்தரலிங்கம் பிரதீப் இன்று செவ்வாய்க்கிழமை தெரிவித்தார்.
இது தொடர்பில் நீண்ட காலமாக கோரிக்கைகள் முன்வைக்கப்பட்டிருந்தன.
தேசிய மக்கள் சக்தி ஆட்சிக்கு வந்தப் பின்னர் பக்தர்கள் என்னிடம் இது தொடர்பில் பல்வேறு கோரிக்கைகளை முன்வைத்தனர்.
அந்த வகையில், நான் அமைச்சரவையில் வைத்த முன்மொழிவின் மூலம் அமைச்சரவையின் தீர்மானத்தின்படி இன்று செவ்வாய்க்கிழமை முதல் ஐயப்ப யாத்திரை புனித யாத்திரையாக பிரகடனம் செய்யப்பட்டுள்ளது.
இது ஒரு வரலாற்று நிகழ்வு என்றும் இது குறித்து நான் மட்டற்ற மகிழ்ச்சி அடைகிறேன் என்றும் பெருந்தோட்ட மற்றும் சமூக உட்கட்டமைப்பு வசதிகள் பிரதி அமைச்சர் சுந்தரலிங்கம் பிரதீப் மேலும் தெரிவித்துள்ளார்.
