யாழ்ப்பாணம் வட்டுக்கோட்டை பொலிஸ் பிரிவிற்குட்பட்ட பொன்னாலை சந்தியில் இருந்து 100 மீற்றர்கள் தூரத்தில் உள்ள புதர் ஒன்றின் உருக்குலைந்த நிலையில் ஆண் ஒருவரது சடலம் கண்டுபிடிக்கப்பட்டது.
குறித்த சடலத்தில் நீல நிற சேட்டும், நீலம் மற்றும் சாம்பல் நிற சாறமும் அணிந்தவாறு காணப்படுகிறது.
கடந்த 14ஆம் திகதி பொன்னாலை கிராம சேவகர் அலுவலகத்தை சேதப்படுத்தும் விதத்தில் மனநலம் பாதிக்கப்பட்ட ஒருவர் செயற்படுகின்றார் என ஊர் மக்கள் கிராம சேவகருக்கு தெரியப்படுத்தினர். இதையடுத்து கிராம சேவகர் பொலிஸாருக்கு இது குறித்து தெரியப்படுத்தினார்.
இந்நிலையில் பொலிஸார், தாங்கள் அவரை அழைத்துச் சென்றதாக கிராம சேவகருக்கு தெரிவித்தனர். அந்த நபரின் புகைப்படம் ஊர் மக்கள் கிராம சேவகருக்கு அனுப்பி வைக்கப்பட்டது.
அந்த புகைப்படத்தில் இருக்கின்ற நபரின் உடைகளும் சடலத்தில் இருக்கின்ற உடைகளும் ஒத்துப் போவதாக இப்பகுதி மக்கள் தெரிவித்துள்ளனர்.
இச்சம்பவம் தொடர்பில் மேலதிக விசாரணைகள் இடம்பெற்று வருவதாக பொலிசார் தெரிவித்துள்ளனர்.
