-கிரான் நிருபர்-
மட்டக்களப்பு-கல்குடா பொலிஸ் பிரிவில் வெவ்வேறு இடங்களில் திருட்டுச் சம்பவங்கள் இடம்பெற்றுள்ளதாக, கல்குடா பொலிஸார் தெரிவித்தனர்.
பட்டியடிச்சேனை மற்றும் பேத்தாழை ஆகிய கிராமசேவகர் பிரிவுகளில் நேற்று வியாழக்கிழமை இரவு இச் சம்பவங்கள் இடம்பெற்றுள்ளது.
வீட்டின் கதவு, ஜன்னல் பகுதிகளை உடைத்து பெறுமதி வாய்ந்த வீட்டு உபகரணங்களை களவாடிச் சென்றுள்ளனர்.
திருடர்களை பிடிப்பதற்காக மட்டக்களப்பு தடயவியல் பிரிவு பொலிஸார் சம்பவ இடத்திற்கு வரவழைக்கப்பட்டு, மோப்ப நாயின் உதவியுடன் விசாரணைகளை மேற்கொண்டு வருகினறனர்.
திருடர்களிடமிருந்து தங்களது உடமைகளை பாதுகாத்துக் கொள்வதற்கு பிரதேச மக்கள் அவதானத்துடன் இருக்குமாறு, பொலிஸார் பிரதேச மக்களை கேட்டுள்ளனர்.
தற்போது மாவட்டத்தில் நிலவும் சீரற்ற வானிலையால் மக்களின் இயல்பு நிலை பாதிக்கப்பட்டு, மக்கள் இடம்பெயர்ந்து இடைத்தங்கல் முகாம் மற்றும் உறவினர்களின் வீடுகளில் வாழ்ந்து வருகின்றனர்.
இவ் அசாதாரன சூழ்நிலையை பயன்படுத்தி இவ்வாறு திருட்டு சம்பங்கள் இடம்பெற்று வருகிறது.
