Sri Lanka Tamil News Site

புதிய பாடசாலை பேருந்து சேவை ஆரம்பம்

- Advertisement -

எரிபொருள் நெருக்கடி காரணமாக போக்குவரத்து சிரமங்களை எதிர்நோக்கும் பாடசாலை மாணவர்கள் மற்றும் ஆசிரியர்களுக்காக புதிய பாடசாலை பேருந்து சேவை ஆரம்பிக்கப்படவுள்ளதாக தேசிய போக்குவரத்து ஆணைக்குழுவின் பணிப்பாளர் கலாநிதி நிலான் மிராண்டா தெரிவித்துள்ளார்.

பாடசாலை மாணவர்களுக்கான புதிய பஸ் சேவை தொடர்பில் அரசாங்க செய்தி திணைக்கள கேட்போர் கூடத்தில் இன்று வெள்ளிக்கிழமை இடம்பெற்ற ஊடகவியலாளர் சந்திப்பில் கலந்துகொண்டு கருத்து தெரிவிக்கும் போதே பணிப்பாளர் மேற்கண்டவாறு தெரிவித்தார்.

ஆகஸ்ட் முதலாம் திகதி தொடக்கம் புதிய பேருந்து சேவையில் சுமார் 40 பேருந்துகள் பயன்படுத்த திட்டமிடப்பட்டுள்ளது.

பள்ளி மாணவர்களிடம் சாதாரண பேருந்து கட்டணம் மட்டுமே வசூலிக்கப்படும்

- Advertisement -

கொழும்பில் உள்ள பிரதான பாடசாலைகள் மற்றும் கம்பஹாஇ களுத்துறைஇ ஹொரணைஇ மஹரகம ஆகிய பிரதான பாடசாலைகளில் உள்ள பிள்ளைகளின் வசதிக்காக இந்த திட்டம் நடைமுறைப்படுத்தப்படுகிறது.

பேருந்துகள் பாலர் பாடசாலைகளுக்கு காலை 7.30 மணிக்கு வந்து மதியம் 1.30 மணிக்கு பாடசாலையில் இருந்து புறப்படும்.

இச்சேவையுடன் இணைக்கப்பட்டுள்ள பேருந்துகளுக்கு எரிபொருள் விநியோகம் செய்வதற்கான வழக்கமான வேலைத்திட்டம் நடைமுறைப்படுத்தப்படும் மற்றும் ஆரம்ப கட்டம் மேல் மாகாணத்திற்கு மட்டுப்படுத்தப்பட்டுள்ளது.

இத்திட்டத்திற்கு கிடைத்த பதில்கள் மற்றும் கோரிக்கைகளுக்கு அமைய, பேரூந்துகளின் எண்ணிக்கையை அதிகரிக்கவும், நாடளாவிய ரீதியில் சேவையை நடைமுறைப்படுத்தவும் எதிர்பார்க்கப்படுகிறது.

1955 என்ற 24 மணி நேர ஹாட்லைன் எண்ணிலிருந்தும், தேசிய போக்குவரத்து ஆணைக்குழுவின் இணையதளத்தைப் பார்வையிடுவதன் மூலமும் இந்தச் சேவையைப் பற்றிய தகவல்களைப் பெறலாம், என தேசிய போக்குவரத்து ஆணைக்குழுவின் பணிப்பாளர் கலாநிதி நிலான் மிராண்டா தெரிவித்துள்ளார்.

- Advertisement -