பாகிஸ்தானில் இடம்பெற்ற குண்டு வெடிப்பில் 5 பாடசாலை மாணவர்கள் உட்பட 7 பேர் உயிரிழந்துள்ளதாக தகவல் வெளியாகியுள்ளது.
பாகிஸ்தானின் பலுசிஸ்தான் மாகாணத்தில் உள்ள மஸ்தங் மாவட்டத்தில் இன்று சனிக்கிழமை காலை 8.35 மணியளவில் பாடசாலை அருகே குண்டு வெடித்ததில் 5 பாடசாலை மாணவர்கள் உட்பட 7 பேர் உயிரிழந்துள்ளதுடன் 22 படுகாயமடைந்துள்ளனர்.
இந்த சம்பவத்தில் காயமடைந்தவர்களில் பெரும்பாலானோர் பாடசாலை மாணவர்கள் எனவும் குண்டுவெடிப்பில் ஒரு பொலிஸ் வாகனம் மற்றும் சில முச்சக்கரவண்டிகளும் சேதமடைந்துள்ளதாகவும் தெரிவிக்கப்படுகிறது.
இந்த குண்டுவெடிப்பிற்கு காரணமானவர்கள் குறித்து பொலிஸார் விசாரணை நடத்தி வருகின்றனர்.
மேலும் பல செய்திகளை அறிந்து கொள்ள மின்னல்24 இணையத்தளத்தை பார்வையிடவும்
