-யாழ் நிருபர்-
நெடுந்தீவு கடற்பரப்பில் இம்மாதம் 10 ஆம் திகதி கைது செய்யப்பட்ட 23 இந்திய மீனவர்களையும் எதிர்வரும் டிசம்பர் 3ஆம் திகதி வரை விளக்கமறியிலில் வைக்க உத்தரவு பிறப்பிக்கப்பட்டது.
கடந்த 10ஆம் திகதி சீ ஒவ் ஸ்ரீலங்கா எனப்படும் இலங்கை நெடுந்தீவு கடற்பரப்பில் அத்துமீறி மீன்பிடியில் ஈடுட்ட 23 இந்தியமீனவர்களை கைதுசெய்த கடற்படையினர், மறுநாள் 11 ஆம் திகதி கடற்றொழில் நீரியல்வள திணைக்கள அதிகாரிகளிடம் மயிலிட்டி துறைமுகத்தில் ஒப்படைத்தனர்.
அவர்களை ஊர்காவற்றுறை நீதவான் நீதிமன்றில் முற்படுத்தியபோது நவம்பர் 25 ஆம் திகதி வரை விளக்கமறியிலில் வைக்குமாறு உத்தரவிடப்பட்டது.
இந்நிலையில் நேற்று திங்கட்கிழமை, சிறைச்சாலை உத்தியோகத்தர்கள், ஊர்காவற்றுறை நீதவான் நீதிமன்றில் 23 மீனவர்களையும் முன்னிலைப்படுத்தியபோது, அவர்களை எதிர்வரும் 3-12 வரை விளக்கமறியலில் வைக்குமாறு நீதவான் நளினி சுபாஸ்கரன் உத்தரவிட்டார்.
